ក្លឹបតោខៀវ Chelsea ត្រូវបានគេជឿជាក់ថាកំពុងស្ថិតនៅជាប់គាំងក្នុងការប្រជែងយកកីឡាករខ្សែបម្រើ Sergej Milinkovic ដែលបច្ចុប្បន្នកំពុងលេងឲ្យក្លឹប Lazio ដើម្បីមកជំនួសតំណែងរបស់កីឡាករ N’Golo Kante នាពេលខាងមុខ។
តារាឆ្នើមរបស់ក្លឹបអ៊ីតាលីរូបនេះមានវ័យទើបតែ២៥ឆ្នាំហើយបច្ចុប្បន្នកំពុងមានព័ត៌មានចចាមអារ៉ាមជាច្រើនក្នុងការផ្ទេរមកលេងជាមួយនឹងលីគកំពូលអង់គ្លេសជាមួយនឹងតម្លៃខ្លួនពេលនេះគឺ៧០លានផោនប៉ុន្តែលោក Lampard និង Solskjare នឹងត្រូវប្រឈមមុខដាក់គ្នាជាមិនខានសម្រាប់កីឡាកររូបនេះ។
ក្រៅតែពី Man United និង Chelsea កីឡាករ Milinkovic ក៏ជាគោលដៅផងដែរសម្រាប់ក្លឹប PSG និង Real Madrid ដូចនេះមិនសង្ឃឹមទៀតឡើយថាកីឡាករជម្រើសជាតិស៊ែបរូបនេះនឹងអាចបន្តលេងនៅអ៊ីតាលីរដូវកាលក្រោយនោះ៕
ប្រែសម្រួល៖ Lee
