ក្រុម Manchester United បានទាក់ទងជាមួយតំណាងរបស់ Willian ដើម្បីពិភាក្សាពីការចុះហត្ថលេខាជាមួយខ្សែប្រយុទ្ធតោខៀវរូបនេះក្នុងការផ្ទេរដោយឥតគិតថ្លៃ។
អនាគតរបស់កីឡាករវ័យ ៣១ ឆ្នាំរូបនេះនឹងឈានដល់ទីបញ្ចប់ហើយខណៈដែលកិច្ចព្រមព្រៀងបច្ចុប្បន្នរបស់លោកនឹងផុតកំណត់នៅថ្ងៃទី ៣០ ខែមិថុនាហើយក្រុមតោខៀវមានភាពស្ទាក់ស្ទើរក្នុងការផ្តល់សំណើរជូនលោកសម្រាប់ការបន្តកុងត្រារយៈពេល ៣ ឆ្នាំ។ក្លឹបបិសាចក្រហមបានទាក់ទងកីឡាករនិងភ្នាក់ងាររបស់ខ្លួនគឺ Kia Joorabchian ដើម្បីដាក់ឈ្មោះកីឡាករខាងលើ ក្នុងចំណាប់អារម្មណ៍ ។
ក្នុងនោះ Paris Saint-German និង Real Madrid ក៏ត្រូវបានគេនិយាយថាមានការចាប់អារម្មណ៍ផងដែរប៉ុន្តែក្លិបយក្សអេស្បាញមួយនេះក៏មានភាពស្ទាក់ស្ទើរក្នុងការផ្តល់កុងត្រារយៈពេល ៣ ឆ្នាំផងដែរ។
របាយការណ៍បានបញ្ជាក់ថាបិសាចក្រហមចង់បន្ថែមបទពិសោធន៍របស់ Willian ដើម្បីជួយដល់លោក Anthony Martial, Marcus Rashford និង Mason Greenwood ៕
