Erling Haaland បានជ្រើសរើសយក Frank Lampard បច្ចុប្បន្នជាគ្រូបង្វឹកតោខៀវ ដែលលោកចង់លេងជាមួយបំផុត ហើយ Virgil van Dijk គឺជាគូប្រជែងដ៏ស្វិតស្វាញបំផុតរបស់គាត់ប៉ុន្តែបដិសេធមិនជ្រើសរើសបខ្លួនឯងជាអ្នកឈ្នះពានរង្វាន់ Ballon d’Or ឆ្នាំ ២០២៥ ។
ជាមួយទម្រង់លេងរបស់ Erling Haaland ដ៏ល្អ នៅលើឆាកអឹរ៉ុប លេងឲ្យក្រុម Red Bull Salzburg បានធ្វើឲ្យគាត់មានឱកាសផ្ទេរទៅកាន់ Borussia Dortmund ក្នុងតម្លៃខ្លួន ១៧លានផោន កាលពីខែមករា ។
មុនផ្លាស់ទៅកាន់ Borussia Dortmund គាត់ក៏មានទំនាក់ទំនងផ្លាស់ទៅកាន់ Man Utd ដូចគ្នា ហើយបច្ចុប្បន្នមានក្លិបធំៗ កំពុងតាមប្រមាញ់ដូចគ្នា។
យុវជនអាយុ ១៩ឆ្នាំនេះបានធ្វើឲ្យអ្នកគាំទ្ររបស់ក្រុមតោខៀវរំជើបរំជួល ជាមួយសំនួរបស់ ESPN ។
តើកីឡាករដែលចូលនិវត្តន៍រូបណា លោកចង់លេងជាមួយ ? ពេលនោះ Erling Haaland បានឆ្លើយថា Frank Lampard ។
ជាមួយគ្នានេះដែរ ខ្សែប្រយុទ្ធរូបនេះបានជ្រើសរើសយកកីឡាករ Virgil van Dijk របស់ក្រុម Liverpool នៅពេលត្រូវបានស្នើសុំឱ្យជ្រើសរើសគូប្រជែងដ៏តឹងរឹងបំផុតរបស់គាត់។Erling Haaland បានជួបជាមួយកីឡាករហុល្លង់ចំនួនពីរដង ក្នុងវគ្គចែកពូល Champions League ។
នៅពេលត្រូវបានគេសួរថាតើអ្នកណានឹងឈ្នះ Ballon d’Or នៅឆ្នាំ ២០២៥ ?គាត់បានសំរេចចិត្តមិនជ្រើសរើសខ្លួនឯងនិងបានជ្រើសរើសកីឡាករ Lionel Messi របស់ក្រុម Barcelona ៕
