ក្លឹបយក្សអេស្បាញដែលកំពុងនាំមុខគេលើតារាងកំពូល La Liga ពេលនេះកំពុងស្ថិតនៅក្នុងទីផ្សារដោះដូរកីឡាករហើយដើម្បីស្វែងរកកីឡាករខ្សែប្រយុទ្ធថ្មីដើម្បីជំនួសតំណែងរបស់ Luis Suarez ដែលត្រូវបានគេជឿជាក់ថានឹងត្រូវចាកចេញពីក្លឹបមែនទែនហើយនៅបញ្ចប់រដូវកាលនេះ។
ពេលវេលាដែលនៅសេសសល់រដូវកាលនេះនឹងមិនមានវត្តមានរបស់កីឡាករ Suarez ទៀតឡើយដោយសារតែរបួសក្បាលជង្គងរបស់ខ្លួនតាំងតែពីដើមខែកន្លងមក។គ្រូបង្វឹកថ្មីលោក Quique Setien គឺជាអ្នកដែលបានធ្វើការអះអាងដោយផ្ទាល់ថាក្លឹបកំពុងស្វែងរកកីឡាករថ្មីមកជំនួស Suarez មែនហើយក្នុងនោះកីឡាករ Aubameyang គឺជាកីឡាករគោលដៅអទិភាពម្នាក់ផងដែរ។
Suarez ក្នុងវ័យ៣២ឆ្នាំទៅហើយនោះនឹងអាចវិលត្រឡប់វិញឆាប់បំផុតខែឧសភាប៉ុន្តែក្លឹបចាំបាច់ត្រូវតែចាប់ផ្តើមរកកីឡាករចំណូលថ្មីមកជំនួសតំណែងនេះឲ្យបានដើម្បីការងារជាច្រើនដែលនៅសេសសល់ទាំងនៅ La Liga ទាំងនៅ Champion League និងពានរង្វាន់ផ្សេងៗទៀត៕
ប្រែសម្រួល៖Lee
