វីរបុរស Liverpool លោក Steven Gerrard បង្ហាញការសោកស្តាយដែលក្លឹប Merseyside មិនបានចុះហត្ថលេខាលើ Declan Rice ក្នុងឆ្នាំ 2023 ។
Gerrard បានកោតសរសើរចំពោះទម្រង់លេងបច្ចុប្បន្នរបស់មិត្តរួមជាតិរបស់គាត់ ខណៈពេលដែលគាត់សរសើរខ្សែបម្រើរូបនេះនៅលើកម្មវិធីផតឃែស្ថ The Smith Brothers ថា «ខ្ញុំគិតថាគាត់ត្រូវបានចាត់ថ្នាក់ជាខ្សែបម្រើលំដាប់ពិភពលោក។ គាត់ប្រហែលជាម្នាក់ក្នុងចំណោមកីឡាករផ្សេងទៀតដែលយើងគួរតែព្យាយាមដណ្តើមយកពី West Ham ខ្ញុំមិនដឹងថាតើយើងធ្វើបានឬអត់ ប៉ុន្តែសាកស្រមៃមើលពីទម្រង់លេងរបស់គាត់នៅក្នុងតំបន់បម្រើកណ្តាលឥឡូវនេះ»៕
