Antoine Semenyo គឺល្អគ្រប់គ្រាន់ក្នុងការលេងឱ្យក្រុម Real Madrid ឬ Barcelona នេះបើយោងតាមគ្រូបង្វឹករបស់តារា Bournemouth ។ ខ្សែបម្រើស្លាបសញ្ជាតិហ្គាណារូបនេះកំពុងបង្កើនកំដៅការផ្ទេរកីឡាករជាមួយក្រុម Premier League មួយចំនួនដែលសង្ឃឹមថានឹងទាក់ទាញគាត់ឱ្យចេញឆ្ងាយពីកីឡដ្ឋាន Vitality នៅពេលទីផ្សារដោះដូរកីឡាករនៅខែមករានឹងបើកនៅសប្តាហ៍ក្រោយ។
ចំពេលមានទំនាក់ទំនងខ្លាំងជាមួយ Manchester City គ្រូបង្វឹកផ្ទាល់ខ្លួនរបស់ខ្សែបម្រើស្លាប លោក Saul Isaksson-Hurst បានប្រាប់អ្នកសារព័ត៌មានថា «Antoine អាចលេងនៅទីណាដែលគាត់ពេញចិត្ត គាត់អាចលេងអោយ Real Madrid គាត់អាចលេងអោយ Barcelona គាត់អាចលេងអោយក្រុមណាក៏បានក្នុងពិភពលោក គាត់ល្អណាស់។ គាត់ត្រៀមខ្លួនរួចជាស្រេចដើម្បីបង្ហាញសមត្ថភាព។ គាត់អាចលេងនៅក្លឹបណាដែលគាត់ចង់បាន។ គាត់ជាកីឡាករដែលមានចិត្តគំនិតល្អ គាត់មានអ្វីគ្រប់យ៉ាង»៕
