យោងតាមការចេញផ្សាយរបស់ Sky Sport បានអោយដឹងថាក្លឹប Dortmund បានចូលពិភាក្សាដើម្បីចុះហត្ថលេខាលើខ្សែបម្រើប្រយុទ្ធ Brighton។
កីឡាករវ័យ ២០ឆ្នាំសញ្ជាតិអាហ្សង់ទីន ដែលបានចំណាយពេលខ្ចីជើងកាលពីរដូវកាលមុននៅក្លឹប Leicester កំពុងស្ថិតក្រោមការពិចារណាសម្រាប់ការផ្ទេរមួយ ខណៈដែល Dortmund បង្កើនការស្វែងរកកីឡាករដែលមានគំនិតច្នៃប្រឌិតបន្ទាប់ពីការផ្ទេរយកកីឡាករ Ethan Nwaneri របស់ Arsenal ត្រូវបរាជ័យ។
ក្លឹប Lyon ក៏បានបើកការចរចាសម្រាប់កីឡាករ Facundo Buonanotte ដោយធ្វើអោយមានការប្រយុទ្ធគ្នារវាក្លឹបនៅ Bundesliga និង Ligue 1។ ក្រុមទាំងពីរបានទាក់ទងជាមួយអ្នកតំណាងរបស់កីឡាករ ហើយ Brighton កំពុងវាយតម្លៃជម្រើសរបស់ពួកគេ ខណៈដែលការពិភាក្សាកំពុងដំណើរការ៕
