កីឡាករ Benjamin Sesko បានធ្វើអោយអ្នកគាំទ្រក្រុម Arsenal មានការភ្ញាក់ផ្អើលជាមួយនឹងសកម្មភាពលើបណ្តាញសង្គមដែលគួរឱ្យចាប់អារម្មណ៍ចំពេលមានការរំពឹងទុកថាគាត់អាចផ្លាស់ទៅភាគខាងជើងទីក្រុងឡុងដ៍ពី RB Leipzig នៅរដូវក្តៅនេះ។
ខ្សែប្រយុទ្ធសញ្ជាតិស្លូវេនីអាយុ ២២ឆ្នាំបានចុច «following» ក្រុមកាំភ្លើងធំនៅលើ Instagram កាលពីថ្ងៃពុធ ខណៈដែលគាត់បានទម្លាក់គន្លឹះសំខាន់ៗអំពីការផ្លាស់ប្តូរទៅកាន់ក្លឹបនៅ Premier League នាពេលអនាគត។
យោងតាមការចេញផ្សាយរបស់លោក Fabrizio Romano បានអោយដឹងថាមានការចែករំលែករូបថតអេក្រង់នៅលើ X ដែលបង្ហាញថា Sesko បានចាប់ផ្តើមដើរតាមក្រុមយក្សអង់គ្លេសនៅលើ Instagram ៕
