វីរបុរសក្រុម Manchester United លោក Roy Keane បានចង្អុលបង្ហាញពីតំណែងចំនួនបីដែលក្រុមជើងឯកអង់គ្លេសថ្មី Liverpool ត្រូវតែពង្រឹងនៅក្នុងរដូវក្តៅ។
ថ្លែងនៅលើ Sky Sports បន្ទាប់ពីការចាញ់របស់ Liverpool ក្រោមថ្វីជើងក្លឹប Chelsea លោក Keane បាននិយាយថា៖ «ពួកគេត្រូវដោះស្រាយនៅចំនុចមួយចំនួន។ នោះជាការប្រជែងធំសម្រាប់ Liverpool។ ប្រហែលជាខ្សែការពារឆ្វេង ខ្សែបម្រើការពារ [និង] ប្រហែលជាខ្ញុំនិយាយថាខ្សែប្រយុទ្ធ។ ពួកគេបានឈ្នះពានលីកនេះ ពួកគេនឹងក្លាយជាកន្លែងទាក់ទាញកីឡាករជាច្រើន។ ការឈ្នះពានលីគដ៏អស្ចារ្យ អ្នកត្រូវតែប្រកួតប្រជែងវាម្តងទៀតនៅឆ្នាំក្រោយ»៕
