កីឡាករ Trent Alexander-Arnold គ្រោងនឹងចាកចេញពី Anfield នៅចុងបញ្ចប់នៃយុទ្ធនាការ ២០២៤-២៥ ខណៈដែលគាត់ជិតចូលរួមជាមួយ Real Madrid លើការផ្ទេរដោយឥតគិតថ្លៃនៅរដូវក្តៅនេះ។
ខណៈពេលដែលការចាកចេញរបស់ Alexander-Arnold គឺត្រូវបានបញ្ជាក់ ប៉ុន្តែមិត្តរួមក្រុមហង្សក្រហមរបស់គាត់ កីឡាករ Cody Gakpo បានជំរុញឱ្យគាត់បន្តនៅអង់គ្លេស។ បន្ទាប់ពីបានឈ្នះពានរង្វាន់ Premier League កាលពីថ្ងៃអាទិត្យ ខ្សែប្រយុទ្ធហូឡង់បានប្រាប់ LFCTV ថា «ឥឡូវនេះជាមួយនឹង Mo និង Virgil ស្នាក់នៅ ហើយសង្ឃឹមថា Trent ផងដែរ – បន្ទាប់មកអ្នកអាចបន្តកសាងក្រុមនោះអស់រយៈពេលជាច្រើនឆ្នាំទៅមុខទៀត»៕
