យោងតាមការចេញផ្សាយរបស់ Daily Star បានអោយដឹងថាក្លឹប Madrid ចាប់អារម្មណ៍ក្នុងការចុះកុងត្រាជាមួយ Fernandes នៅរដូវក្តៅនេះ។ ភ្នាក់ងាររបស់ក្លឹបអេស្បាញត្រូវបាននិយាយថាបានបង្ហាញខ្លួននៅ Old Trafford ពេញមួយរដូវកាល ដើម្បីធ្វើការតាមដានកីឡាករ Fernandes មុនពេលមានការផ្ទេរដ៏ធំមួយនៅចុងបញ្ចប់នៃរដូវកាលនេះ។
កីឡាករ Fernandes ត្រូវបានគេកំណត់ថាជាអ្នកជំនួសតំណែងដ៏មានសក្តានុពលរយៈពេលវែងសម្រាប់ Luka Modric ហើយ United ត្រូវបានរំពឹងថានឹងរក្សាតម្លៃកំណត់ត្រាក្លឹបសម្រាប់កីឡាករព័រទុយហ្គាល់ ខណៈតម្លៃផ្ទេរ ៩០លានផោន។ ក្លឹបបិសាចក្រហមនឹងត្រូវពិចារណាក្នុងការលក់កីឡាករ ដោយសារតែពួកគេត្រូវការប្រមូលប្រាក់ ព្រោះតែការព្រួយបារម្ភអំពីច្បាប់ PSR ។
កីឡាករ Fernandes នៅតែស្ថិតក្នុងប្រព័ន្ធរបស់ Ruben Amorim នៅ United ហើយបានបង្ហាញខ្លួនចំនួន ៤៤ដងក្នុងការប្រកួតទាំងអស់នៅរដូវកាលនេះ ដោយស៊ុតបញ្ចូលទីបាន ១៦គ្រាប់ និងបញ្ជូនបាល់អោយមិត្តរួមក្រុមបញ្ចប់ទី ១៦ដង។ ក្លឹប United ឈរនៅលេខរៀងទី១៣ ក្នុងតារាង Premier League ប៉ុន្តែពួកគេនៅតែស្ថិតក្នុងការប្រកួតនៅ Europa League ដដែល។
ការឈ្នះការប្រកួតនៅ Europa League នឹងផ្តល់ឱកាសអោយពួកគេបានលេងវគ្គជម្រុះសម្រាប់ Champions League។ ក្លឹប United នឹងត្រូវប៉ះ Nottingham Forest នៅថ្ងៃអង្គារ មុនពេលប៉ះ Manchester City ចុងសប្តាហ៍ក្រោយ៕