យោងតាមការចេញផ្សាយរបស់ Daily Mail បានអោយដឹងថាក្លឹប Chelsea និង Liverpool ត្រូវបានរាយការណ៍ថាកំពុងរៀបចំខ្លួនដើម្បីចុះហត្ថលេខាលើខ្សែបម្រើស្លាបរបស់ Real Betis កីឡាករ Jesús Rodriguez។
យុវជនសញ្ជាតិអេស្ប៉ាញដែលលេងតំណាងឱ្យប្រទេសរបស់គាត់នៅកម្រិតអាយុក្រោម ១៩ឆ្នាំ មានលក្ខខណ្ឌផ្តាច់កុងត្រាប្រមាណ ៥០លានអឺរ៉ូនៅក្នុងកិច្ចសន្យារបស់គាត់។
កីឡាករ Rodriguez ដំបូងលេងខាងស្តាំ ប៉ុន្តែក្រោយមកត្រូវបានប្តូរទៅឆ្វេងដើម្បីសម្រួលកីឡាករ Antony ដែលខ្ចីជើងពី Manchester United។ ជាមួយនឹងកេរ្តិ៍ឈ្មោះដែលកំពុងរីកចម្រើនរបស់គាត់ ការផ្លាស់ប្តូរទៅកាន់ក្របខ័ណ្ឌ Premier League អាចនឹងកើតឡើងបាន៕
