ខណៈពេលដែលមានតារាឆ្នើមជាច្រើនបានផ្ទេរមកកាន់ក្លឹប Real Madrid គឺមានតែមួយចំនួនប៉ុណ្ណោះដែលបានបន្សល់នៅកេរ្តិ៍ឈ្មោះដូចទៅនឹងកីឡាករ Ronaldo នៅទឹកដីអេស្ប៉ាញ។ បន្ទាប់ពីផ្ទេរពី Manchester United ក្នុងឆ្នាំ២០០៩ កីឡាករ Ronaldo បានក្លាយជាម៉ាស៊ីនរកគ្រាប់បាល់ ដោយស៊ុតបញ្ចូលទីបាន ៤៥០គ្រាប់ ក្នុងការបង្ហាញខ្លួន ៤៣៨ដង។ ហើយក្នុងអំឡុងពេលស្នាក់នៅរយៈពេលប្រាំបួនឆ្នាំរបស់គាត់គាត់បានឈ្នះពានរង្វាន់ធំចំនួន ១៥ រួមទាំងពានរង្វាន់ Champions League ចំនួនបួន។
នៅពេលសួរអំពីលទ្ធភាពនៃការត្រលប់ទៅ Real Madrid វិញដោយអ្នកកាសែតអេស្ប៉ាញ Eduardo Aguirre កីឡាករ Ronaldo បាននិយាយថា៖ «ប្រហែលជាបន្ទាប់ពីបញ្ចប់អាជីពរបស់ខ្ញុំ អ្វីមួយអាចកើតឡើង»។
ដោយឆ្លុះបញ្ចាំងពីពេលវេលារបស់គាត់នៅក្នុងប្រទេសអេស្ប៉ាញ ខ្សែប្រយុទ្ធជើងចាស់បានពណ៌នាថាវាជាពេលដល់កំពូលនៃអាជីពរបស់គាត់។
គាត់បានសារភាពថា៖ «រយៈពេលរបស់ខ្ញុំនៅ Real Madrid គឺរីករាយបំផុតសម្រាប់ខ្ញុំទាក់ទងនឹងបាល់ទាត់»៕
