កីឡាករ Marcus Rashford បង្ហើបថាគាត់សុខចិត្តចាកចេញពីក្លឹប Manchester United ចំពេលមានការពិភាក្សាថាក្លឹបត្រៀមលក់គាត់នៅខែមករា។
នៅក្នុងការជជែកជាមួយអ្នកកាសែត Henry Winter កីឡាករវ័យ ២៧ឆ្នាំរូបនេះបាននិយាយថា៖ «សម្រាប់ខ្ញុំផ្ទាល់ ខ្ញុំគិតថាខ្ញុំបានត្រៀមខ្លួនរួចជាស្រេចសម្រាប់ការប្រកួតប្រជែងថ្មី និងជំហានបន្ទាប់។ នៅពេលដែលខ្ញុំចាកចេញ វានឹងមិនមាន “អារម្មណ៍លំបាក” ។ អ្នកនឹងមិនមានយោបល់អវិជ្ជមានណាមួយពីខ្ញុំអំពី Manchester United។ នោះគឺខ្ញុំជាមនុស្សម្នាក់។ ប្រសិនបើខ្ញុំដឹងថាស្ថានភាពអាក្រក់រួចហើយ ខ្ញុំនឹងមិនធ្វើឱ្យវាកាន់តែអាក្រក់នោះទេ។ ខ្ញុំបានឃើញកីឡាករផ្សេងទៀតចាកចេញកាលពីអតីតកាល ហើយខ្ញុំមិនចង់ដូចជាពួកគេនោះទេ។ នៅពេលដែលខ្ញុំចាកចេញ ខ្ញុំនឹងចេញសេចក្តីជូនដំណឹង ហើយវានឹងចេញពីខ្ញុំដោយផ្ទាល់»៕
