វីរបុរសក្រុមកាំភ្លើងធំ Arsenal លោក William Gallas ខណៈពេលកំពុងនិយាយទៅកាន់ Gent Casino បានជំរុញឱ្យលោក Mikel Arteta មើលទៅលើកីឡាករផ្សេងលើសពី Kai Havertz ហើយនាំយក Victor Osimhen ដែលបច្ចុប្បន្នកំពុងខ្ចីជើងនៅ Galatasaray ពីក្លឹប Napoli ប្រសិនបើពួកគេចង់ឈ្នះ Premier League ។
លោក Arteta ត្រូវបានគេរិះគន់ចំពោះការចុះហត្ថលេខាលើ Havertz ពី Chelsea នៅរដូវក្តៅឆ្នាំ២០២៣ ជំនួសអោយការនាំយកខ្សែប្រយុទ្ធកណ្តាល។ កីឡាករជម្រើសជាតិអាឡឺម៉ង់រូបនេះ ដំបូងឡើយមានការពិបាកក្នុងការកែតម្រូវនៅកីឡដ្ឋាន Emirates ប៉ុន្តែជាមួយនឹងពេលវេលា រូបគេបានក្លាយជាកីឡាករសំខាន់ក្នុងការវាយប្រហាររបស់ក្រុមកាំភ្លើងធំ និងបានបង្ហាញខ្លួនចំនួន ៦៨លើកសម្រាប់ក្លឹប ដោយស៊ុតបញ្ចូលទីបាន ២១គ្រាប់៕
