យោងតាមការចេញផ្សាយរបស់ Sky Sport Deutschland បានឱ្យដឹងថាក្លឹប Real Madrid កំពុងរៀបចំផែនការទិញយកខ្សែបម្រើ Florian Wirtz របស់ Bayer Leverkusen និងអ្នកចាត់ការ Xabi Alonso ។
កីឡាករសញ្ជាតិអាឡឺម៉ង់ដែលមានវ័យ ២០ឆ្នាំរូបនេះគឺជាកីឡាករឆ្នើមមួយរូបនៅក្នុងក្របខ័ណ្ឌ Bundesliga ហើយបានទាក់ទាញចំណាប់អារម្មណ៍ពីក្លឹប Manchester City និង Bayern Munich ។ វានឹងក្លាយជាសមរភូមិដ៏ស្វិតស្វាញសម្រាប់ក្លឹបអធិរាជស ខណៈដែលគាត់មានកិច្ចសន្យាជាមួយក្លឹប Leverkusen រហូតដល់ឆ្នាំ ២០២៧៕
