យោងតាមការចេញផ្សាយរបស់លោក Ekrem Konur បានអោយដឹងថាក្លឹប Liverpool បានកំណត់អត្តសញ្ញាណកីឡាករ Ricardo Pepi របស់ក្លឹប PSV Eindhoven ថាជាកីឡាករដែលអាចបន្ថែមក្នុងក្រុមរបស់ពួកគេ។ ខ្សែប្រយុទ្ធវ័យ ២១ឆ្នាំរូបនេះបានធ្វើឱ្យមានឥទ្ធិពលយ៉ាងខ្លាំងនៅ Eredivisie ដោយរកបានប្រាំមួយគ្រាប់ក្នុងការបង្ហាញខ្លួនត្រឹមតែ ១១ប្រកួតប៉ុណ្ណោះក្នុងរដូវកាលនេះ។
ក្លឹបដូចជា Atletico Madrid, Ajax, Bayern Munich, និង Borussia Dortmund ត្រូវបានគេរាយការណ៍ថាកំពុងតាមដានការវិវឌ្ឍន៍របស់កីឡាករសញ្ជាតិអាមេរិក ដែលជាសញ្ញានៃការប្រកួតប្រជែងកាន់តែខ្លាំងឡើងសម្រាប់ការចុះហត្ថលេខារបស់គាត់។ ក្លឹបនៅហូឡង់បានទាមទារតម្លៃប្រមាណ ២៥លានអឺរ៉ូ សម្រាប់កីឡាករ Pepi៕
