ក្លឹប Real Madrid កំពុងតាមដានយ៉ាងដិតដល់អំពីស្ថានភាពរបស់ខ្សែការពារ Sporting CP ចំនួនបីនាក់គឺកីឡាករ Gonçalo Inácio, Ousmane Diomande និង Zeno Debast ដែលជាការបន្ថែមសក្តានុពលដល់ក្រុមរបស់ពួកគេ។ នេះបើយោងតាមការចេញផ្សាយរបស់ Record បានអោយដឹងថាក្លឹប Madrid កំពុងស្វែងរកជម្រើសក្នុងការពង្រឹងការការពាររបស់ពួកគេ បន្ទាប់ពីកីឡាករ Eder Militao បានជួបបញ្ហារបួស ACL។
កីឡាករ Inacio វ័យ ២៣ឆ្នាំ និងកីឡាករ Diomande វ័យ ២០ឆ្នាំ ម្នាក់ៗបានបង្ហាញទម្រង់លេងយ៉ាងល្អនៅក្នុងលីគព័រទុយហ្គាល់ ហើយអ្នកទាំងពីរបានប្តេជ្ញាចិត្តក្នុងការស្នាក់នៅបន្តជាមួយក្លឹប Sporting ខណៈដែលកិច្ចសន្យារបស់ពួកគេមានរហូតដល់ខែមិថុនា ឆ្នាំ២០២៧។ ទន្ទឹមនឹងនេះដែរកីឡាករ Debast ដែលជាកីឡាករសញ្ជាតិបែលហ្ស៊ិកអាយុ ២១ឆ្នាំបានចូលរួមជាមួយ Sporting ពីក្លឹប Anderlecht នៅរដូវក្តៅ និងស្ថិតក្រោមកិច្ចសន្យារហូតដល់ខែមិថុនា ឆ្នាំ២០២៩៕
