ប្រធានក្លឹប Barcelona លោក Joan Laporta បានបង្ហាញទំនុកចិត្តលើការប្តេជ្ញាចិត្តរបស់ Frenkie de Jong ចំពោះក្លឹប ដោយបញ្ជាក់ថា ខ្សែបម្រើរូបនេះ «រីករាយណាស់» និងគ្មានចេតនាចាកចេញនោះទេ។
លោក Laporta បានប្រាប់ទៅកាន់សារព័ត៌មាន Mundo Deportivo ថា៖ «Frenkie de Jong រីករាយណាស់នៅទីនេះ។ គាត់តែងតែប្រាប់ខ្ញុំថាគាត់ចូលចិត្តនៅ Barça ហើយយើងរីករាយជាមួយ Frenkie ផងដែរ។ ខ្ញុំមិនព្រួយបារម្ភអំពីអនាគតរបស់គាត់ទាល់តែសោះ»។
គួរបញ្ជាក់ថាកីឡាករ De Jong បានបង្ហាញខ្លួនអោយក្លឹប Barcelona នៅគ្រប់ព្រឹត្តិការណ៍ក្នុងរដូវកាលនេះ ចំនួន ២៧ប្រកួត និងអាចស៊ុតបញ្ចូលទីបាន ២គ្រាប់ផងដែរ។ ខាងក្លឹប Barcelona នឹងត្រូវជួបប្រកួតជាមួយនឹងក្លឹប Las Palmas នៅថ្ងៃអាទិត្យ ទី៣១ ខែមីនានេះ៕
