យោងតាមការចេញផ្សាយរបស់ Football Insider បានអោយដឹងថាខ្សែប្រយុទ្ធក្លឹប Arsenal កីឡាករ Eddie Nketiah បានទទួលការចាប់អារម្មណ៍ពីសំណាក់ក្លឹបមួយចំនួននៅ Premier League ដែលនេះជាឱកាសសម្រាប់គាត់ក្នុងការចាកចេញពីក្លឹបកាំភ្លើងធំនារដូវក្តៅខាងមុខ។
ប្រភពដដែរបានអោយដឹងថាកីឡាករ Nketiah បានពិចារណាក្នុងការចាកចេញពីក្លឹប Arsenal ដើម្បីស្វែងរកនៅពេលវេលាប្រកួតលើទីលានបន្ថែមទៀត។ ក្លឹប Crystal Palace, Brentford និង Wolves សុទ្ធតែជាក្លឹបដែលបញ្ជាក់អំពីការចាប់អារម្មណ៍លើខ្សែប្រយុទ្ធវ័យ ២៤ឆ្នាំរូបនេះ។
គួរបញ្ជាក់ថាកីឡាករ Nketiah បានបង្ហាញខ្លួនអោយក្លឹប Arsenal នៅក្របព្រឹត្តិការណ៍ទាំងអស់ចំនួន ៣៣ប្រកួត និងស៊ុតបញ្ចូលទីបាន ៦គ្រាប់៕
