បរទេស៖ នេះបើយោងតាមការចេញផ្សាយរបស់ The Athletic បានអោយដឹងថាក្លឹបនៅអេស្ប៉ាញកាន់តែខិតជិតក្នុងការប្រជែងយកកីឡាករវ័យ ២០ឆ្នាំរបស់ក្លឹបបិសាចក្រហម។ ខាងក្លឹប United ចាប់អារម្មណ៍សំណើររបស់ក្លឹប Sevilla ជាជាងរបស់ខាងក្លឹបស្ករតាំងម៉ែ ដោយពួកគេអាចនឹងចុះហត្ថលេខាយកគាត់ជាអចិន្ត្រៃយ៍ ប្រសិនជាពួកគេជ្រើសរើសប្រើជម្រើសទិញផ្តាច់កុងត្រា។
![Hannibal Mejbri Manchester United 2023-24](https://assets.goal.com/v3/assets/bltcc7a7ffd2fbf71f5/blt1dde4fc29785688d/659ee0e26075c3040a02d53e/GettyImages-1716632636.jpg?auto=webp&format=pjpg&width=3840&quality=60)
ខ្សែបម្រើរូបនេះ បានបង្ហាញខ្លួន ២៧ដងសម្រាប់ជម្រើសជាតិទុយនីស៊ី ហើយបានមកចូលរួមជាមួយក្លឹប United ពីក្លឹប Monaco ជាមួយនឹងកុងត្រា ៤ឆ្នាំ ដោយគាត់បានបង្ហាញខ្លួន ១៣ដងសម្រាប់ក្រុមឈុតធំរបស់ United ហើយក្នុងនោះ ១១ដង គឺនៅក្នុងរដូវកាលនេះ។ ដោយសារតែកីឡាករ Mejbri មិនអាចមានពេលវេលាគ្រប់គ្រាប់នៅក្រោមការដឹកនាំរបស់លោក Erik ten Hag ដែលអាចអោយភាគីទាំង២ធ្វើការសម្លឹងរកមើលការដាក់អោយខ្ចីជើង។
កុងត្រារបស់ Hannibal នៅ Old Trafford នឹងផុតនៅរដូវក្តៅឆ្នាំ២០២៥ ហើយក្លឹប United អាចនឹងដាក់បញ្ចូលនៅលក្ខខណ្ឌទិញផ្តាច់សម្រាប់ការខ្ចីជើងទៅកាន់ក្លឹប Sevilla ។ ដោយសារតែគាត់មិនបានទៅចូលរួមជាមួយនឹងក្រុមជម្រើសជាតិសម្រាប់ការប្រកួត Africa Cup of Nation ដូច្នេះគាត់អាចនឹងត្រូវជួយក្រុមបិសាចក្រហមក្នុងការប្រកួតជាមួយនឹងក្លឹប Tottenham។
![Hannibal Mejbri Manchester United 2023-24](https://assets.goal.com/v3/assets/bltcc7a7ffd2fbf71f5/bltf39049dfd1a9f2b3/65377f7b8ab899819ad9ea52/GOAL_-_Blank_WEB_-_Facebook_-_2023-10-24T092435.814.png?auto=webp&format=pjpg&width=3840&quality=60)
Hannibal, United និង Sevilla នឹងដាក់ព័ត៌មានលម្អិតចុងក្រោយលើកិច្ចព្រមព្រៀងដែលនឹងឃើញគាត់ធ្វើដំណើរទៅកាន់ប្រទេសអេស្ប៉ាញ មុនពេលទីផ្សារដោះដូរកីឡាករបិត។ ប្រសិនបើអ្វីៗត្រូវបានបញ្ចប់ឆាប់ៗនេះ គាត់អាចបង្ហាញខ្លួនជាលើកដំបូងនៅ La Liga ទល់នឹងក្លឹប Girona នៅថ្ងៃទី២១ ខែមករា៕