ក្លឹប Spurs មានផែនការក្នុងការដាក់លក់កីឡាករ ២រូបនេះ

បរទេស៖ ក្លឹប Tottenham Hotspur បានជួបប្រទះនឹងរឿងដែលនឹកស្មានមិនដល់ ខណៈការខ្ចីជើង Djed Spence ទៅកាន់ក្លឹប Leeds United ត្រូវបានបញ្ចប់ភ្លាមៗ។ នេះបើយោងតាមការចេញផ្សាយរបស់ Daily Mail បានអោយដឹងថាក្លឹបបញ្ជាក់អំពីការភ្ញាក់ផ្អើលចំពោះការសម្រេចចិត្តមួយនេះ ហើយឥឡូវនេះពួកគេកំពុងពិចារណាលើការដាក់លក់កីឡាករខ្សែការពារវ័យ ២៣ឆ្នាំរូបនេះ ដោយសារតែមានការព្រួយបារម្ភទៅលើអាកប្បកិរិយា និងវិជ្ជាជីវៈរបស់គាត់។

លើសពីនេះទៀតក្លឹប Spurs ក៏បានបង្ហាញអំពីការចង់លក់ Sergio Reguilon បន្ទាប់ពីគាត់ត្រលប់ពីខ្ចីជើងនៅក្លឹប Manchester United។ កីឡាករខ្សែការពារឆ្វេងវ័យ ២៧ឆ្នាំរូបនេះ គឺអាចទទួលយកសំណើរផ្ទេរបាន សម្រាប់ទីផ្សារដោះដូរខែមករា៕