ខ្សែការពាររបស់ Real Madrid កីឡាករ David Alaba បានសន្យាថាគាត់នឹងជួយក្រុមអោយប្រសើរឡើង បន្ទាប់ពីរងបរាជ័យ 3-1 ក្រោមថ្វីជើងក្រុម Atletico ក្នុងការប្រកួត Madrid Derby ។
នៅក្នុងពេលនោះ Alaba បានសាភាពថាខ្លួនបានបង្កើតកំហុសចំនួនពីរដង។ អតីតខ្សែការពារ Bayern Munich រូបនេះបានបង្ហោះនៅលើបណ្តាញសង្គម ដើម្បីសុំទោសចំពោះកំហុសដែលគាត់បានធ្វើ ដោយបានសរសេរថា៖ «Madridistas យើងទាំងអស់គ្នាមានការរំពឹងច្រើនជាងនេះ! នេះមិនមែនជាការប្រកួតរបស់យើង នេះមិនមែនជាការប្រកួតរបស់ខ្ញុំទេ ! ខ្ញុំសុំទោសទាំងអស់គ្នា។ យើងបានធ្វើឲ្យអ្នកខកចិត្ត ប៉ុន្តែខ្ញុំនឹងតស៊ូ ហើយខ្ញុំនឹងត្រលប់មកវិញ!»
គួរបញ្ជាក់ផងដែរ Los Blancos បានធ្លាក់មកចំណាត់ថ្នាក់លេខ 3 នៅ La Liga បន្ទាប់ពីចាញ់ ប៉ុន្តែនៅមានមួយពិន្ទុតាមពីក្រោយក្រុមម្ចាស់ជើងឯក Barcelona ដែលបានយកឈ្នះ Celta Vigo ក្នុងលទ្ធផល 3-2 កាលពីថ្ងៃសៅរ៍៕
