តារាឆ្នើមសញ្ជាតិបែលហ្ស៊ិករបស់ក្រុមមេឃខៀវ កីឡាករ Kevin De Bruyne បានជូនអំណោយយ៉ាងពិសេសដល់មិត្តរួមក្រុម អំឡុងពេលប្រកួតបើករដូវកាល Premier League។
ទូរស័ព្ទដៃដែលមានការរចនាយ៉ាងពិសេសដោយក្រុមហ៊ុនដ៏ល្បីល្បាញលើពិភពលោកមានឈ្មោះថា iDesign Gold ចំនួន ២៦គ្រឿង ដែលមួយគ្រឿងៗមានតម្លៃ ៥,០០០ផោន ត្រូវបានចែកជូនមិត្តរួមក្រុមទាំងអស់ ក៏ដូចជាលោក Pep Guardiola និងម្ចាស់ក្លឹប Sheikh Mansour នូវទូរស័ព្ទ iPhone 14 ដែលមានឈ្មោះ និងនិមិត្តសញ្ញាក្លឹបនៅលើសំបកផ្នែកខាងក្រោយនៃទូរស័ព្ទ។
គួររំលឹកឡើងវិញផងដែរ បន្ទាប់ពីអំណោយដ៏ល្អរបស់គាត់ De Bruyne ត្រូវបានបង្ខំចិត្តចាកចេញពីទីលាន អំឡុងពេលក្រុមរបស់គាត់ឈ្នះក្រុម Burnley នៅ Premier League កាលពីថ្ងៃសុក្រ។ ជាសំណាងល្អសម្រាប់កីឡាករបែលហ្ស៊ិក របួសហាក់មិនធ្ងន់ធ្ងរពេកទេ៕
