បរទេស៖ នេះបើយោងតាមការចេញផ្សាយរបស់ Daily Mail បានអោយដឹងថាក្លឹប Bayern Munich នៅតែចង់បានកីឡាករ Harry Kane ហើយត្រៀមនឹងដាក់សំណើរតម្លៃ ៧០លានផោនជាថ្មីម្តងទៀត។ ក្លឹបម្ចាស់ពានលីគកំពូលអាឡឺម៉ង់មួយនេះ បានបើកការដាក់សំណើរក្នុងតម្លៃ ៥៦លានផោនម្តងហើយ ប៉ុន្តែត្រូវបដិសេធពីខាងក្លឹប Spurs ប៉ុន្តែមើលទៅសំណើរថ្មីនេះ ក៏ប្រហែលជាមិនគ្រប់គ្រាន់សម្រាប់បញ្ចុះបញ្ចូលលោក Daniel Levy ក្នុងការលក់តារាឆ្នើមរូបនេះផងដែរ។
គួរបញ្ជាក់ថា Kane គឺជាវិរៈបុរសម្នាក់របស់ក្លឹប Spurs ហើយក៏ជាខ្សែប្រយុទ្ធដ៏ល្អម្នាក់នៅលើពិភពលោក ប៉ុន្តែមកដល់អាយុ ២៩ឆ្នាំនេះ គឺគាត់មិនទាន់បានឈ្នះពានណាមួយនោះទេ។ ហើយប្រសិនជាគាត់នៅតែបន្តស្នាក់នៅជាមួយនឹង Spurs នោះគាត់នឹងនៅតែដដែរ។ ប្រសិនជាគាត់ចង់ឈ្នះពានអោយបានមុនគាត់បញ្ចប់អាជីពរបស់ខ្លយន គាត់ត្រូវតែចាកចេញ៕
