ក្លឹប Real Madrid គ្រោងនឹងធ្វើឱ្យមានការភ្ញាក់ផ្អើលឡើងវិញ ក្នុងការតាមយកទាំងកំពូលកីឡាករ Kylian Mbappe របស់ក្លឹប Paris Saint-Germain ជាមួយនឹងកីឡាករជំនាន់ថ្មីរបស់ជម្រើសជាតិអង់គ្លេស Jude Bellingham ។
ស្ថានភាពកិច្ចសន្យារបស់ Mbappe មានភាពមិនច្បាស់លាស់នោះទេ ហើយ PSG អាចប្រឈមនឹងភាពច្របូកច្របល់ បន្ទាប់ពីដឹងថាទាំង Lionel Messi និង Neymar ក៏មានគម្រោងនឹងចាកចេញនៅរដូវក្ដៅនេះផងដែរ។
កីឡាករសញ្ជាតិបារាំងរូបនេះបានបដិសេធ មិនព្រមចុះកិច្ចសន្យារយៈពេលវែងជាមួយក្លឹប។ ដោយកិច្ចសន្យាបច្ចុប្បន្នរបស់គាត់ នឹងផុតកំណត់នៅចុងឆ្នាំក្រោយ បើទោះបីជាមានជម្រើសសម្រាប់ 12 ខែបន្ថែមទៀតក៏ដោយ។ ដូច្នេះនេះគឺជាឱកាសសម្រាប់ Real Madrid ក្នុងការនាំយកកីឡាករដែលមានល្បឿនលឿនរូបនេះ។
Real Madrid ក៏មានកិច្ចព្រមព្រៀងសម្រាប់ខ្សែបម្រើ Bellingham របស់ Dortmund បន្ទាប់ពីកីឡាករបានយល់ព្រមលើលក្ខខណ្ឌផ្ទាល់ខ្លួនជាមួយក្លឹបកាលពីសប្តាហ៍មុន៕
