ការតែងតាំងលោក Pochettino ជាគ្រូបង្វឹកថ្មីរបស់ក្រុមតោខៀវ នឹងប្រកាសនៅក្នុងពេលឆាប់ៗខាងមុខនេះ។
គ្រូបង្វឹកសញ្ជាតិអាហ្សង់ទីនរូបនេះ ចង់រក្សាខ្សែបម្រើ Mason Mount ។ គាត់បានចាត់ទុកកីឡាកររូបនេះជាតួអង្គដ៏សំខាន់មួយ នៅក្នុងយុទ្ធសាស្ត្រថ្មីរបស់គាត់។
យោងតាមរបាយការណ៍របស់ Goal បានអោយដឹងថា Mason Mount នឹងទទួលបានតួនាទីសំខាន់មួយនៅពេលលោក Mauricio Pochettino ចូលមកដឹកនាំនៅ Chelsea។
កីឡាករវ័យ 24 ឆ្នាំរូបនេះបានខិតខំព្យាយាមបង្ហាញសមត្ថភាពយ៉ាងខ្លាំង ដើម្បីអាចត្រលប់ទៅរកទម្រង់លេងដ៏ល្អរបស់គាត់។ ហើយក្នុងរដូវកាលនេះ គាត់នៅតែរួមចំណែកក្នុងការរកគ្រាប់បាល់បានអោយក្រុមបានចំនួន 3 គ្រាប់ និង assists 6 ដងនៅក្នុងគ្រប់ប្រកួតទាំងអស់។
នៅក្នុងរបាយការណ៍ដដែលលោក Pochettino បាននិយាយថា៖ «ខ្ញុំមានភាពជឿជាក់យ៉ាងខ្លាំងលើ Mount ។ គាត់គឺជាកីឡាករមួយសម្រាប់ក្រុមតោខៀវ។ ខ្ញុំមើលឃើញបែបនេះ ដូច្នេះខ្ញុំមិនចង់បាត់បង់ផ្នែកដ៏សំខាន់របស់ក្រុមនោះទេ»៕
