កីឡាករវ័យ 34 ឆ្នាំ Mesut Ozil ចាប់តាំងពីប្រកបអាជីពក្នុងវិស័យបាល់ទាត់ គាត់ទទួលបានសមិទ្ធផលជោគជ័យជាច្រើនសម្រាប់ក្រុមជម្រើសជាតិ នឹងក្រុមធំៗជាច្រើននៅអឺរ៉ុប។
នៅក្នុងសេចក្តីថ្លែងការណ៍មួយនៅលើប្រព័ន្ធផ្សព្វផ្សាយសង្គម Ozil បាននិយាយថា «ជំរាបសួរអ្នកទាំងអស់គ្នា។ បន្ទាប់ពីបានគិតពិចារណារួចហើយ ខ្ញុំនឹងប្រកាសពីការចូលនិវត្តន៍របស់ខ្ញុំពីអាជីពបាល់ទាត់»។
«ក្នុងនាមជាកីឡាករបាល់ទាត់ប្រកបអាជីពជិត 17 ឆ្នាំ ខ្ញុំមានអារម្មណ៍ថា វាពិតជាមិនគួរឱ្យជឿទេសម្រាប់រឿងដ៏អស្ចារ្យជាច្រើនក្នុងអាជីពមួយនេះ។ ប៉ុន្តែក្នុងរយៈពេលប៉ុន្មានសប្តាហ៍ និងប៉ុន្មានខែថ្មីៗនេះ ដោយមានបញ្ហារបួស ហើយជាមួយអាយុខ្ញុំកាន់តែច្រើន វាកាន់តែច្បាស់ថាវាដល់ពេលហើយដែលខ្ញុំលាឈប់ពីពិភពបាល់ទាត់»៕
