Eden Hazard បាននិយាយអំពីអនាគត និងស្ថានភាពរបស់គាត់នៅ Real Madrid ជាមួយ RBTF Sport ។ គាត់បានផ្លាស់ពី Chelsea មកកាន់ Real Madrid កាលពីឆ្នាំ 2019 ។ ទោះបីជាគាត់ធ្លាប់ឈ្នះពានជាច្រើនជាមួយក្លឹបនេះក៏ដោយ ប៉ុន្តែគាត់មិនសូវមានសមិទ្ធផលក្នុងជួយក្រុមប៉ុន្មាននោះទេ។
បើយោងតាមសារព័ត៌មានដដែលបានបញ្ជាក់អោយកាន់តែច្បាស់ផងដែរដោយ Hazard បាននិយាយថា៖ «អូ ខ្ញុំមិនមែនជាកីឡាករម្នាក់ដែលពូកែនោះទេ ខ្ញុំព្រមទទួលយកស្ថានភាពមួយនេះ ។ ចំពោះរឿងខ្ញុំជាមួយលោក Carlo Ancelotti ពួកយើងមិនបាននិយាយរកគ្នា ប៉ុន្តែខ្ញុំតែងតែមានការគោរព ទោះបីជាថ្ងៃស្អែកគាត់មិនអោយខ្ញុំលេងទៀតក៏ដោយ… ខ្ញុំត្រូវតែមានការគោរពចំពោះបុរសម្នាក់ដូចជាគាត់»។
Hazard ត្រូវអង្គុយនៅកៅអីបម្រុងរបស់ Madrid អស់រយៈពេលជាច្រើនឆ្នាំ ហើយក្ដីសង្ឃឹមតែមួយគត់របស់គាត់គឺ អាចលេងបានទៀត ដើម្បីបញ្ឈប់ការ រិះគន់ពីសំណាក់អ្នកគាំទ្រ៕
