បន្ទាប់ពីទទួលជ័យជម្នះ 2-0 របស់ Manchester United លើក្រុម Burnley កាលពីថ្ងៃពុធ (21 ខែធ្នូនេះ) អ្នកយកព័ត៌មានបានលើកយកប្រធានបទរបស់ Jadon Sancho ដោយពួកគេបានសួរលោក Ten Hag ថា៖ «តើមានព័ត៌មានថ្មីៗអំពី Sancho ហើយនៅពេលណាដែលគាត់ត្រលប់មកវិញ?»
អ្នកគ្រប់គ្រងជនជាតិហូឡង់បានឆ្លើយដោយត្រង់ថា៖ «ទេ ចំពោះសំណួរទាំងពីរនោះ គឺគ្មានចម្លើយ»។
Ten Hag បានប្រាប់សារព័ត៌មាន Daily Mail ថា៖ «យើងចង់នាំគាត់មកវិញឱ្យបានលឿនតាមដែលអាចធ្វើបាន ប៉ុន្តែខ្ញុំមិនអាចផ្តល់ការព្យាករណ៍ថានៅពេលណានោះទេ។ បញ្ហាអាចបណ្តាលមកពីកាយសម្បទា និងអារម្មណ៍ អ្វីដែលយើងកំពុងធ្វើឥឡូវនេះ គឺការរួមបញ្ចូលគ្នារវាងផ្លូវកាយ និងផ្លូវចិត្តដើម្បីព្យាយាមយកគាត់មកវិញ»។
គួររំលឹកឡើងវិញដែរថា Sancho បានបង្ហាញខ្លួន 14 ប្រកួតសម្រាប់ Manchester United ក្នុងរដូវកាល 2022-23 ដោយស៊ុតបញ្ចូលទីសរុបចំនួន 3 គ្រាប់៕
