James Milner គឺជាកីឡាករបាល់ទាត់អង់គ្លេសដែលមានទេពកោសល្យបំផុតម្នាក់ក្នុងជំនាន់របស់គាត់។ គាត់បានចូលរួមជាមួយ Liverpool ដោយគ្មានតម្លៃផ្ទេរ បន្ទាប់ពីចាកចេញពី Manchester City ក្នុងរដូវក្ដៅឆ្នាំ 2015។
គាត់បានលេង 229 ប្រកួតនៅក្នុងការប្រកួតទាំងអស់សម្រាប់ក្រុមហង្សក្រហមរហូតមកដល់ពេលនេះ ដោយរកគ្រាប់បាល់បាន 26 គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីចំនួន 46 ដង ។ Milner បានជួយក្លឹប Merseyside ឈ្នះពានរង្វាន់ធំៗចំនួន 7 រួមទាំងពានរង្វាន់ Premier League មួយ និងពានរង្វាន់ UEFA Champions League មួយផងដែរ។
ទោះជាយ៉ាងណាក៏ដោយគាត់នឹងមានអាយុ 37 ឆ្នាំនៅក្នុងខែមករា។ គាត់ស្ថិតនៅក្នុងឆ្នាំចុងក្រោយនៃកិច្ចសន្យារបស់គាត់ជាមួយ Liverpool ហើយទំនងជានឹងចាកចេញនៅពេលសុពលភាពកុងត្រារបស់គាត់ផុតកំណត់។
សូមក្រឡេកមកមើលកីឡាករបីនាក់ដែលអាចជំនួសតំណែង James Milner នៅ Liverpool រួមមានដូចជា៖ James Ward-Prowse សញ្ជាតិអង់គ្លេស មានវ័យ 27ឆ្នាំ បច្ចុប្បន្នជាកីឡាកររបស់ក្លឹប Southampton, Konrad Laimer សញ្ជាតិអូទ្រីស មានវ័យ 25ឆ្នាំ បច្ចុប្បន្នជាកីឡាកររបស់ក្លឹប RB Leipzig និង Jude Bellingham សញ្ជាតិអង់គ្លេស មានវ័យ 19ឆ្នាំ បច្ចុប្បន្នជាកីឡាកររបស់ក្លឹប Borussia Dortmund៕
