វីរបុរសរបស់ក្រុម Manchester City លោក Sergio Aguero បានសោកស្ដាយចំពោះទម្រង់លេងរបស់ Erling Haaland ក្នុងការប្រកួត Community Shield ដោយទទួលស្គាល់ថា Virgil van Dijk គឺជាខ្សែការពារដែលរឹងមាំ។
Haaland មានការតស៊ូយ៉ាងខ្លាំងនៅក្នុងការប្រកួតរបស់គាត់សម្រាប់ក្រុម Man City បន្ទាប់ពីការផ្លាស់ប្តូរក្នុងតម្លៃ 51 លានផោនពី Borussia Dortmund នៅរដូវក្តៅនេះ ហើយថែមទាំងបានខកខានឱកាសរកគ្រាប់បាល់នៅក្នុងការប្រកួតដ៏មហិមា នៅពេលដែលក្រុមរបស់គាត់បានបរាជ័យក្នុងលទ្ធផល 3-1ក្រោមថ្វីជើងក្រុមរបស់លោក Jürgen Klopp។
ថ្លែងនៅលើបណ្តាញ Twitter របស់គាត់ Aguero បាននិយាយថា៖ «Van Dijk ជាខ្សែការពារល្អបំផុតនៅក្នុងពិភពលោក ជាហេតុដែលធ្វើឲ្យ Haaland ពិបាករកគ្រាប់បាល់នៅថ្ងៃនោះ»។
ថ្លែងក្រោយការប្រកួតទៅកាន់អ្នកសារព័ត៌មាន លោក Pep Guardiola បានផ្តល់ការវិភាគរបស់គាត់អំពីទម្រង់លេងរបស់ Haaland ដោយបញ្ជាក់ថា៖ «គាត់មានឱកាសពីរ ឬបីដងក្នុងតង់ទីមួយ និងឱកាសម្តងទៀតនៅចុងតង់ទីពីរ គាត់ព្យាយាមបំលាស់ទីដើម្បីរកគ្រាប់បាល់។ វាជារឿងល្អសម្រាប់គាត់ ព្រោះវាជាប្រទេសថ្មី លីកថ្មី ប៉ុន្តែគាត់ធ្វើបានល្អ»។
«គាត់មិនបានស៊ុតបញ្ចូលទីទេ នៅប្រកួតបន្ទាប់ទៀតគាត់នឹងស៊ុតបញ្ចូលទី គាត់មានគុណភាពមិនគួរឱ្យជឿ គាត់នឹងជួយយើងបានច្រើន»៕
