បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងបន្ថែមអំពីស្ថានភាពរបស់ CR7។ ដោយក្នុងនោះ Cristiano Ronalod មិនសប្បាយចំពោះស្ថានភាពបច្ចុប្បន្នរបស់ Manchester United។ ខាងក្រោមនេះ ជាការលម្អិតអំពីស្ថានភាពរបស់ Ronaldo៖
– Cristiano Ronaldo បានប្រាប់ Man United ថាគាត់ចង់ចាកចេញពីក្លឹប នៅរដូវក្តៅនេះ ប្រសិនជាគាត់បានទទួលនៅសំណើរដល់ល្អមួយ
– សាររបស់ Ronaldo ទៅកាន់ Man Utd គឺច្បាស់លាស់ ដោយសារគាត់មើលឃើញថាក្លឹបមិនមានមហិច្ឆតា ស្របពេលគាត់ចង់ប្រយុទ្ធដើម្បីទទួលបានពានអោយបានឆាប់
– Manchester United នៅតែមិនផ្លាស់ប្តូរអំពីបំណងរបស់ខ្លួន ដែលពួកគេនៅតែចង់រក្សាទុក Cristiano សម្រាប់នៅរដូវកាលក្រោយ ហើយមិនចាប់ទុកគាត់សម្រាប់លក់នោះទេ
– Jorge Mendes បានស្វែងរកនៅឪកាសផ្សេងទៀតកាលពីសប្តាហ៍មុន ដោយបាននិយាយជាមួយនឹងខាង Bayern និង Chelsea ប៉ុន្តែនៅមិនទាន់កិច្ចព្រមព្រៀងណាមួយបានកើតឡើងជាមួយក្លឹបទាំងនោះទេ
– ក្នុងនោះ PSG មិនបានដាក់ Cristiano នៅក្នុងបញ្ជីកីឡាករដែលខ្លួនចង់បាននៅរដូវក្តៅនេះទេ
– Cristiano មិនមានបញ្ហាអ្វីជាមួយនឹង Erik ten Hag នោះទេ ប៉ុន្តែគាត់ចង់ឃើញក្លឹបនាំកីឡាករថ្មីៗមកបន្ថែមទៀត ខណៈពេលនេះគឺដើមខែកក្កដាទៅហើយ ហើយក្លឹបធំៗនៅអង់គ្លេសបានចុះហត្ថលេខាយកកីឡាករកំពូលៗជាច្រើន៕
