ប្រធាន UEFA លោក Aleksander Ceferin បានឆ្លើយតបទៅនឹងពាក្យបណ្តឹងផ្លូវការរបស់ La Liga ទាក់ទងនឹង Kylian Mbappe បន្តកុងត្រាថ្មីជាមួយ PSG ។ គាត់គិតថា PSG និង Real Madrid មានការផ្តល់ជូនសម្រាប់តារាឆ្នើមសញ្ជាតិបារាំង គឺស្រដៀងគ្នា។
Kylian Mbappe ត្រូវបានគេរំពឹងថានឹងចូលរួមជាមួយ Real Madrid លើការផ្ទេរដោយឥតគិតថ្លៃនៅរដូវក្តៅនេះ បន្ទាប់ពីកិច្ចសន្យារបស់ PSG របស់គាត់ផុតកំណត់។ ទោះជាយ៉ាងណាក៏ដោយគាត់បានធ្វើឱ្យពិភពលោកភ្ញាក់ផ្អើលកាលពីសប្តាហ៍មុន ដោយការបន្តកិច្ចសន្យារបស់គាត់ជាមួយក្រុម Ligue 1 បើទោះបីជាក្រុមអធិរាជស ចិញ្ចឹមចិត្តចង់បានអស់រយៈពេលជាងមួយឆ្នាំក៏ដោយ។
Ceferin មិនបានខ្វល់ខ្វាយពីការត្អូញត្អែរពី La Liga ទាក់ទងនឹងការបន្តកុងត្រាថ្មីនេះទេ ហើយបានបន្ថែមថាមិនមានអ្វីខុសនោះទេ។ គាត់បានប្រាប់ BBC ថា៖
«អ្នកណាដែលគោរពច្បាប់របស់យើង ស្វាគមន៍ក្នុងការលេងក្នុងការប្រកួតរបស់យើង អ្នកណាមិនគោរពច្បាប់នឹងមិនមានវត្តមានឡើយ។ ដូចដែលខ្ញុំបានដឹង ការផ្តល់ជូនរបស់ Real Madrid គឺស្រដៀងគ្នាទៅនឹងការផ្តល់ជូនរបស់ PSG»៕
