ប្រធានក្លឹប Barcelona លោក Joan Laporta នៅតែប្រកាន់ជំហរតឹងរ៉ឹងជុំវិញការរំពឹងទុកនៃការផ្សារភ្ជាប់ Frenkie de Jong ជាមួយនឹងការផ្លាស់ប្តូរទៅកាន់ Manchester United នៅរដូវក្តៅនេះ។
ខ្សែបម្រើសញ្ជាតិហូឡង់គឺជាផ្នែកមួយដ៏ធំនៃការផ្លាស់ប្តូររបស់អ្នកចាត់ការ Xavi Hernandez នៃក្រុម Barca ចាប់តាំងពីគាត់បានចូលកាន់តំណែងចុងក្រោយនៅក្នុងខែវិច្ឆិកាឆ្នាំមុន។
De Jong បានបង្ហាញខ្លួនចំនួន 33 ប្រកួតក្រោមការដឹកនាំរបស់អ្នកចាតត់ការសញ្ជាតិអេស្ប៉ាញ ដោយស៊ុតបញ្ចូលទីបាន 4 គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន 3 ដង។
Laporta ថ្លែងទៅកាន់ Catalunya Radio ថា៖ «មានក្លឹបផ្សេងចង់បានកីឡាកររបស់ Barcelona ។ យើងនឹងធ្វើអ្វីដែលល្អបំផុតសម្រាប់ក្លឹប។ បើទោះបីជាយើងកំពុងប្រឈមនឹងបញ្ហារសេដ្ឋកិច្ច ក៏គ្មានកីឡាករណាចាកចេញដោយសារហេតុផលនេះដែរ»៕
