អតីតខ្សែការពាររបស់ Chelsea លោក John Terry បានសម្តែងការកោតសរសើរចំពោះខ្សែបម្រើស្លាបរបស់ Liverpool កីឡាករ Luis Diaz ។ គាត់បានបង្ហាញទម្រង់លេងដ៏អស្ចារ្យក្នុងការប្រកួត Merseyside Derby ទល់នឹង Everton នៅថ្ងៃអាទិត្យ។
កីឡាករសញ្ជាតិកូឡុំប៊ីរូបនេះមិនបានជាប់ជ្រើស 11នាក់ដំបូងឡើង បើទោះបីជាគាត់មានទម្រង់លេងគួរឱ្យចាប់អារម្មណ៍ក្នុងប៉ុន្មានសប្តាហ៍ថ្មីៗនេះក៏ដោយ។ គាត់បានប្តូរចូលជំនួស Sadio Mane នៅក្នុងតង់ទី2 ហើយបានកែប្រែស្ថានការណ៍នៅលើទីលានភ្លាមៗ។
Andrew Robertson រកបានគ្រាប់បាលទី1 ឲ្យក្រុមហង្សក្រហមតាមរយៈការស៊ុតបញ្ចូលទីនៅនាទីទី 62។ Luis Diaz បានព្យាយាមប្រើក្បាច់ bicycle kick ប៉ុន្តែបែជាប្រែទៅ Assist សម្រាប់ខ្សែប្រយុទ្ធបែលហ្ស៊ិក Divock Origi ដែលរកគ្រាប់បាល់ទី2 បាននៅនាទីទី 85 ។
នៅចុងបញ្ចប់ក្រុមរបស់លោក Jurgen Klopp បានយកឈ្នះក្នុងលទ្ធផល 2-0 លើគូប្រជែង Everton បើទោះបីជាមានទម្រង់លេងដ៏គួរឱ្យភ័យខ្លាចក្នុងតង់ទីមួយក៏ដោយ។
ជំនាញរបស់ Luis Diaz និងការបង្ហាញទម្រង់លេងបានទាក់ភ្នែករបស់វីរបុរស Premier League លោក John Terry ។ អតីតខ្សែការពាររូបនេះមានការងឿងឆ្ងល់ចំពោះជំនាញ Luis Diaz ដែលកែប្រែស្ថានការណ៍នៅលើទីលានត្រឹមតែប៉ុន្មាននាទី បន្ទាប់ពីបានប្តូរចូលនៅក្នុងដើមតង់ទីពីរ។
John Terry បានសរសេរនៅលើ Twitter ថា៖ “Luis Diaz កីឡាករម្នាក់នេះជាអ្វី?”។
បញ្ជាក់ផងដែរថា ជ័យជម្នះចុងក្រោយរបស់ Liverpool បានជួយពួកគេបិទគម្លាតពីក្រុម Manchester City ត្រឹមមួយពិន្ទុ។ ក្រុមហង្សក្រហមនឹងធ្វើជាម្ចាស់ផ្ទះទទួលក្រុម Villarreal នៅកីឡដ្ឋាន Anfield នៅថ្ងៃពុធក្នុងជើងទីមួយនៃវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League៕
