បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថា ក្លឹប Manchester United នឹងធ្វើបដិវត្តន៍ ជាថ្មី។ យុគសម័យថ្មីរបស់ Man United នឹងមកដល់ជាមួយនឹង Erik ten Hag ជាគ្រូបង្វឹកថ្មី… ហើយមិនត្រឹមតែប៉ុណ្ណោះ
– Ralf Rangnick ប្រកាសថា “នឹងមានការផ្លាស់ប្តូរឡើងវិញនៅទីនេះ។ កីឡាករ ៦នាក់,កីឡាករ ៧នាក់, ប្រហែលជាមានកីឡាករថ្មី ១០នាក់នឹងមក”។
– “ក្រៅពីអ្នកចាំទី ពួកយើងត្រូវការពង្រឹងនៅគ្រប់តំបន់ទាំងអស់។ វាមិនគ្រប់គ្រាន់នោះទេ ក្នុងការនាំយកកីឡាករថ្មី ៣ ទៅ៤នាក់”។
– ក្លឹប Manchester United កំពុងធ្វើការពិភាក្សាជាមួយ Ajax ទៅលើការព្រមព្រៀងតម្លៃផ្តាច់កុងត្រា ហើយធ្វើការប្រកាសលោក Erik ten Hag ជាគ្រូបង្វឹកផ្លូវការណ៍។
– Edinson Cavani, Jesse Lingard, Juan Mata, Nemanja Matić នឹងធ្វើការចាកចេញពីក្លឹបដោយគ្មានតម្លៃខ្លួន ខណៈ Pogba នៅចាំធ្វើការសម្រេចចិត្តសិន។
– ក្រុមជំនួសការគ្រូបង្វឹក ក៏ត្រូវធ្វើការពង្រឹងឡើងវិញផងដែរ ខណៈពេល Erik ten Hag នឹងធ្វើការលើរឿងមួយនេះ។ ក្នុងនោះ van der Gaag អាចនឹងមកចូលរួមជាមួយនឹង Man United។
តើអ្នកមើលឃើញអនាគតរបស់ Manchester United យ៉ាងដូចម្តេច?
