ខ្សែប្រយុទ្ធរបស់ក្លឹប Paris Saint-Germain កីឡាករ Lionel Messi ត្រូវបានគេរាយការណ៍ថាមិនសប្បាយចិត្តជាមួយនឹងរបាយការណ៍ដែលថា Kylian Mbappe អាចក្លាយជាកីឡាករដែលមានប្រាក់ខែខ្ពស់បំផុតនៅក្នុងបាល់ទាត់ពិភពលោក។
Messi វ័យ ៣៤ ឆ្នាំបានផ្លាស់ទៅ PSG កាលពីរដូវក្តៅមុនពី Barcelona ដោយគ្មានតម្លៃផ្ទេរ។ កីឡាករអាហ្សង់ទីនរូបនេះ បានចូលរួមជាមួយក្លឹបប៉ារីស លើប្រាក់ឈ្នួលដែលធ្វើឱ្យគាត់ក្លាយជាកីឡាករបាល់ទាត់ ដែលមានប្រាក់ខែខ្ពស់បំផុតក្នុងពិភពលោក។
ប៉ុន្តែរហូតដល់ Cristiano Ronaldo ត្រលប់ទៅ Manchester United វិញកាលពីរដូវក្តៅមុន ហើយឥឡូវនេះ ESPN បានចាត់ទុកខ្សែប្រយុទ្ធព័រទុយហ្គាល់ ថាជាកីឡាករដែលមានប្រាក់ខែខ្ពស់បំផុតក្នុងពិភពលោក។
យោងតាមសារព័ត៌មាន El Nacional បានឲ្យដឹងថាការរំពឹងទុករបស់ Mbappe ក្នុងការដណ្តើមយកតំណែង Messi ដើម្បីក្លាយជាកីឡាករដែលមានប្រាក់ខែខ្ពស់បំផុតក្នុងបាល់ទាត់ពិភពលោក គឺមិនល្អសម្រាប់កីឡាករអាហ្សង់ទីននោះទេ។
ប្រធានក្លឹប Paris Saint-Germain លោក Nasser Al-Khelaïfi ត្រូវបានគេរាយការណ៍ថាបានចាត់ទុក Mbappe ជាកម្មសិទ្ធិដ៏មានតម្លៃបំផុតរបស់ប៉ារីស។ ពួកគេគ្រោងនឹងផ្តល់ឲ្យ Mbappe នូវកិច្ចព្រមព្រៀងថ្មីដែលនឹងធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតនៅក្នុងបាល់ទាត់ពិភពលោក៕
