អតីតតារាឆ្នើមរបស់បិសាចក្រហមលោក Paul Ince អះអាងថា Harry Maguire និងអាចបង្ហាញទម្រង់លេងល្អឡើងវិញ ប្រសិនបើមិត្តរួមក្រុមនៅ Manchester United ចេះរួបរួមគ្នានៅលើទីលាន។
ពិតណាស់ ខ្សែការពារមាឌធំកម្ពស់បានសញ្ជាតិអង់គ្លេស និងជាប្រធានក្រុម Man United កីឡាករ Harry Maguire បានទទួលរងនូវពាក្យរិះគន់យ៉ាងច្រើន ក្រោយបង្ហាញទម្រង់លេងមិនល្អ នឹងធ្លាក់ចុះគួរឲ្យកត់សម្គាល់ ខណៈដែលបានធ្វើឲ្យបាល់របូតជាច្រើនគ្រាប់ នាពេលកន្លងមកនេះ។
យ៉ាងណាមិញ វីរបុរសបាល់ទាត់លោក Paul Ince ជឿជាក់ថា Harry Maguire ត្រូវការជំនួយបន្ថែមពីមិត្តរួមក្រុម ដែលលេងនៅមុខតំណែងពីមុខគាត់ នឹងត្រូវរួមគ្នាការពារឲ្យបានខ្លាំងជាងនេះ ពីសំណាក់មិត្តរួមក្រុមទាំងអស់ នោះទើបទើបគាត់អាចបង្ហាញថ្វីជើងដ៏ល្អ ដែលគាត់មានពីមុនមកត្រឡប់មកវិញ។
ថ្លែងនៅ Daily Mail លោក Paul Ince បាននិយាយថា៖ «ចំណុចរបស់ Harry Maguire គាត់មិនមែនជាកីឡាករដែលមានភាពរហាស់រហួនទេ ហើយគាត់ក៏មិនមែនជាកីឡាករដែលអន់នោះដែរ។ ពិតណាស់ រាល់កីឡាករតែងតែមានទម្រង់លេងឡើងចុះជារឿងធម្មតា។ ហើយ Maguire កំពុងស្ថិតនៅក្នុងដំណាក់កាលមួយ ដែលបានបង្កកំហុសច្រើន ហើយវាក៏បានធ្វើឲ្យគេចាប់អារម្មណ៍ខ្លាំង។ ចំពោះខ្ញុំ វាមិនមែន Harry Maguire តែប៉ុណ្ណោះទេ។ ជាក់ស្ដែង គាត់មិនសូវបានការការពារពីមិត្តរួមក្រុម ដែលមានមុខនាទីនៅខាងមុខគាត់នោះឡើយ ប្រសិនបើមានខ្សែបម្រើដូចជា Roy Keane នោះ Maguire មិនលេងតែម្នាក់ឯងឆ្កុយៗនោះទេ»៕
