ម្ចាស់ពាន Ballon d’Or ៥សម័យកាល និងវីរបុរសរបស់ Manchester United កីឡាករ Cristiano Ronaldo បានវាយប្រហារយ៉ាងចាស់ដៃទៅលើមិត្តរួមក្រុមវ័យក្មេងរបស់គាត់ អំឡុងពេលសម្ភាសន៍ថ្មីៗនេះ។
ការតស៊ូយ៉ាងត្រដាបត្រដួសរបស់ Man Utd បានបន្តក្នុងប៉ុន្មានសប្តាហ៍ថ្មីៗនេះ បើទោះបីជាបានតែងតាំងអ្នកចាត់ការបណ្តោះអាសន្ន Ralf Rangnick ក៏ដោយ។ កីឡាករចំនួន ១៤ នាក់ត្រូវបានគេរាយការណ៍ថា កំពុងសម្លឹងមើលការចាកចេញ ដោយ Ronaldo ហាក់ដូចជាមានការខកចិត្តចំពោះអាកប្បកិរិយារបស់មិត្តរួមក្រុមរបស់គាត់មួយចំនួន។
ម្ចាស់ជើងឯក ៥ សម័យកាលឥឡូវនេះបានបំភ្លឺពីរបៀបដែលមិត្តរួមក្រុមវ័យក្មេងរបស់គាត់ ហាក់ដូចជាមិនចាប់អារម្មណ៍ក្នុងការស្តាប់ដំបូន្មានរបស់គាត់ ដោយ CR7 បាននិយាយថា៖
«ខ្ញុំអាចលើកឧទាហរណ៍មួយបាន បើខ្ញុំផ្តល់ដំបូន្មានដល់អ្នក ព្រោះអ្នកនៅក្មេងជាងខ្ញុំ ប្រសិនបើអ្នកមិនធ្វើវាក្នុងជីវិតប្រចាំថ្ងៃរបស់អ្នកទេ វាពិបាកណាស់ ខ្ញុំនឹងក្លាយជាមនុស្សដំបូងដើម្បីជួយអ្នក ប៉ុន្តែប្រសិនបើអ្នក មិនចង់បានជំនួយរបស់ខ្ញុំ កុំធ្វើវា ហើយកុំប្រឹងឲ្យអស់ពីសមត្ថភាពក្នុងការជួយក្រុម»។
«ខ្ញុំអាចនិយាយរាល់ថ្ងៃជាមួយអ្នករាល់គ្នា ប៉ុន្តែប្រសិនបើវាមិនបានកើតចេញពីក្នុងចិត្តរបស់អ្នកទេ គឺវាមិនអាចទៅរួចឡើយ។ នៅពេលខ្ញុំអាយុ ១៨, ១៩, ២០ ឆ្នាំ កីឡាករចាស់ៗមួយចំនួនបាននិយាយជាមួយខ្ញុំ ហើយខ្ញុំជា Cristiano ខ្ញុំត្រូវតែធ្វើឱ្យប្រសើរឡើង ព្រោះពួកគេដឹងច្រើនជាងខ្ញុំ ពួកគេមានបទពិសោធន៍ច្រើនជាងខ្ញុំ»៕
