វីរៈបុរសបាល់ទាត់លោក Roy Keane កាលពីមុនលោកធ្លាប់បានមើលឃើញថាលោក Jurgen Klopp និង Thomas Tuchel ជាអ្នកចាត់ការល្អបំផុតនៅ Premier League ។
ប៉ុន្តែអ្នកគ្រប់គ្រងដ៏ល្អបំផុតមួយចំនួនរបស់ពិភពលោកបច្ចុប្បន្ន កំពុងលេចធ្លោនៅក្នុងក្របខ័ណ្ឌកំពូលរបស់ប្រទេសអង់គ្លេសរួមមាន Klopp, Tuchel, Pep Guardiola, Antonio Conte និង Ralf Rangnick ។
ទន្ទឹមនឹងនោះ អ្នកចាត់ការដែលមិនសូវល្បីដូចជាគ្រូបង្វឹកក្រុម Arsenal លោក Mikel Arteta គ្រូបង្វឹករបស់ Brighton លោក Graham Potter និងលោក Thomas Frank គ្រូបង្វឹក Brentford ក៏កំពុងធ្វើឱ្យមានឥទ្ធិពល នៅក្នុងលីកកំពូលមួយរបស់អឺរ៉ុបផងដែរ។
ទោះជាយ៉ាងណា Keane ជឿជាក់ថាលោក Guardiola គឺកំពុងឈរនៅកន្លែងខ្ពស់ដាច់ពីគ្រូបង្វឹកដ៏ទៃទៀត។ និយាយនៅលើ Sky Bet’s Driving Home សម្រាប់បុណ្យណូអែល Keane ថា «វាមិនមែនមានន័យថា Liverpool ឬ Chelsea មិនអាចឈ្នះពាននោះទេ ប៉ុន្តែខ្ញុំគិតថា Pep របស់ Man City គឺជាបុរសពិត»។
គួរជម្រាបថាលោក Pep Guardiola បានឈ្នះពានរង្វាន់ Premier League ចំនួនបីនៅ Man City ចាប់តាំងពីការត្រលប់មកវិញក្នុងឆ្នាំ ២០១៦ ខណៈដែលក្លឹប Manchester ក៏បានរកឃើញខ្លួនឯងនៅលើកំពូលតារាងនៃលីកបន្ទាប់ពី ១៨ ប្រកួតនៅរដូវកាលនេះ៕
