Atletico Madrid គឺជាក្រុមចុងក្រោយបង្អស់ដែលត្រូវបានផ្សារភ្ជាប់ជាមួយនឹង Marcelo Brozovic នេះបើយោងតាមអ្នកកាសែតទួរគីដ៏ល្បីល្បាញ Ekrem Konur ។ Barcelona និង Manchester United ក្នុងចំណោមអ្នកផ្សេងទៀតក៏បានចាប់អារម្មណ៍ក្នុងការចុះហត្ថលេខាលើខ្សែបម្រើ Inter Milan រូបនេះក្នុងទីផ្សារដោះដូរកីឡាកររដូវក្តៅ។
ចាប់តាំងពីចូលរួមជាមួយក្លឹប Inter Milan ពី Dinamo Zagreb កីឡាករ Marcelo Brozovic បានពង្រឹងខ្លួនគាត់ជាខ្សែបម្រើកំពូលម្នាក់ក្នុងក្របខ័ណ្ឌ Serie A ។ កីឡាករអន្តរជាតិក្រូអាត បានជាផ្នែកមួយនៃការរៀបចំក្រុមនៅ San Siro អស់រយៈពេលប្រាំមួយឆ្នាំ។ គាត់គឺជាកីឡាករដ៏សំខាន់សម្រាប់ក្លឹប និងប្រទេស ដោយបានដើរតួយ៉ាងសំខាន់ក្នុងការឈ្នះពានរង្វាន់ Serie A របស់ Inter កាលពីរដូវកាលមុន។
Brozovic បានបង្ហាញខ្លួន ២៥៧ ប្រកួតឱ្យក្រុម Inter Milan ដោយស៊ុតបញ្ចូលទីបាន ២៦ គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន ៣៥ ដង។ ទោះជាយ៉ាងណាក៏ដោយក្លឹបយក្សអ៊ីតាលី ស្ថិតក្នុងស្ថានភាពដ៏គ្រោះថ្នាក់ទាក់ទងនឹងអនាគតរបស់កីឡាករវ័យ ២៨ឆ្នាំរូបនេះ ដែលកំពុងស្ថិតក្នុងឆ្នាំចុងក្រោយនៃកិច្ចសន្យារបស់គាត់។ Barcelona, Manchester United និង Atletico Madrid ព្រមទាំងអ្នកផ្សេងទៀតកំពុសម្លឹងចង់បានខ្សែបម្រើរូបនេះ៕
សូមទស្សនាវីដេអូខាងក្រោម៖
