បរទេស៖ Ronaldo បានធ្វើការប្រកាសថាខ្លួន និង Georgina Rodriguez ដែលជាតិមិត្តស្រីរបស់ខ្លួន គឺមានកូនភ្លោះ។ តារាម៉ូឌែល Georgina ដែលមានអាយុ ២៧ឆ្នាំ កំពុងមានផ្ទៃពោះ ៣ខែ ជាមួយតារាឆ្នើមរបស់ក្រុមបិសាចក្រហម។ Ronaldo ដែលមានវ័យ ៣៦ឆ្នាំ គឺជាឪពុករបស់កូន ៤នាក់ ដែលមាន Crisitano Jr, កូនភ្លោះ Eva និង Mateo និង Alana Martina ហើយពួកគេគឺរស់នៅជាមួយគ្នា។
Ronaldo និង Georgina បានធ្វើការបង្ហាញនៅរូបភាពពិនិត្យផ្ទៃពោះ ដោយសរសេរចំណងជើងថា “សូមប្រកាសថាពួកយើងមានកូនភ្លោះ។ ពួកយើង គឺពោរពេញទៅដោយក្តីស្រឡាញ់។ ពួកយើងចង់ជួបកូនទាំង២ក្នុងពេលឆាប់”។ កាលពីឆ្នាំ២០១២ Ronaldo បានបញ្ជាក់ខ្លួនចង់បានកូនរហូតដល់ទៅ ៧នាក់។
ប្រភព៖ The Sun
