ការជជែកដេញដោលរវាង Lionel Messi និង Diego Maradona គឺជាប្រធានបទក្តៅបំផុតមួយនៅក្នុងពិភពបាល់ទាត់ ក្នុងរយៈពេលប៉ុន្មានឆ្នាំចុងក្រោយនេះ។
អតីតអ្នកចាំទីប៉ារ៉ាហ្គាយលោក Jose Luis Chilavert បានផ្តល់គំនិតបែបសុទិដ្ឋិនិយមចំពោះខ្សែប្រយុទ្ធ Paris Saint-Germain ថា៖ «ខ្ញុំអាចបញ្ឈប់ Messi បានតែក្នុង Playstation ប៉ុណ្ណោះ គឺខ្ញុំបិទវាចោល ហើយឈប់លេង»។ «នៅអាហ្សង់ទីនមនុស្សជាច្រើនបានគិតថា Maradona ល្អជាង Messi ប៉ុន្តែសម្រាប់ខ្ញុំ Maradona យើងអាចទាយទុកជាមុនបាន ហើយសម្រាប់ Messi មិនអាចទាយទុកជាមុនបានទេ នោះគឺជាភាពខុសគ្នា»។
បុរសវ័យ ៥៦ឆ្នាំរូបនេះបន្ថែមថា៖ «Lionel មានបាល់ជាប់នឹងជើង គាត់លេងបែបធម្មជាតិ ហើយបើត្រូវប្រឈមមុខជាមួយគាត់ អ្នកអ្នកមិនដឹងថាត្រូវរត់ទៅណាដើម្បីបិទគាត់ ព្រោះអ្នកដឹងថាវាតែងតែមានបច្ចេកទេសថ្មីរហូតសម្រាប់កីឡាករម្នាក់នេះ»។ «នៅពេលដែល Messi នឹងទាត់បាល់ free-kick ខ្ញុំត្រូវព្យាយាមទាយវា ដើម្បីសង្គ្រោះបាល់ ប៉ុន្តែនៅពេល Maradona ទាត់ ជាឧទាហរណ៍នៅពេលដែលខ្ញុំត្រូវប្រឈមមុខជាមួយនឹងគាត់ ខ្ញុំអាចស្មានដឹងថាគាត់នឹងទាត់ទៅខាងណា ហើយភាគរយច្រើនដែលខ្ញុំអាចរក្សារសំណាស់ទីបានពីការទាត់របស់គាត់»៕
