យោងតាមរបាយការណ៍បានឲ្យដឹងថា ក្រុមមាន់ខ្នាយមាស Tottenham Hotspur បានឈានដល់កិច្ចព្រមព្រៀងជាមួយក្រុមក្លិប Atalanta ក្នុងការនាំយកខ្សែការពារកណ្ដាល Cristian Romero ក្នុងតម្លៃ ៤៣លានផោន (ឬប្រហែល ៥៩លានដុល្លារ) ។
កីឡាករ Romero បានបង្ហាញទម្រង់លេងយ៉ាងលេចធ្លោនារដូវកាលមុន ឲ្យក្រុម Atalanta និងជម្រើសជាតិអាហ្សង់ទីននៅក្នុងព្រឹត្ដិការណ៍ Copa America នារដូវក្ដៅថ្មីៗនេះ។
ខ្សែការពារអាហ្សង់ទីនវ័យ ២៣ឆ្នាំរូបនេះ បានឈ្នះពានរង្វាន់ខ្សែការពារល្អបំផុតនៃក្របខណ្ឌ Serie A រដូវកាល ២០២០-២០២១ និងជាប់ឈ្មោះក្នុងឈុត ១១នាក់ ដែលល្អបំផុតប្រចាំព្រឹត្ដិការណ៍ Copa America ដែលក្រុមអាហ្សង់ទីនជាម្ចាស់ជើងឯកនេះផងដែរ។
Romero នឹងមកជំនួសកន្លែងរបស់កីឡាករ Toby Alderweireld ដែលបានចាកចេញ ទៅលេងនៅប្រទេសកាតា នារដូវក្ដៅនេះ៕
