យប់មិញនេះ Arsenal បានយកឈ្នះក្រុម Liverpool ទាំងប្រផិតប្រផោយក្នុងការកាត់សេចក្តីបាល់ ១១ម៉ែត្រក្នុងពានរង្វាន់ Carabao Cup ដើម្បីអាចឡើងទៅវគ្គ៨ក្រុមចុងក្រោយ។
តាមកាលវិភាគដែលបានរៀបចំរួចទៅហើយនោះ មានន័យថាក្រុមរបស់លោក Mikel Arteta នឹងត្រូវប្រកួតប៉ះជាមួយនឹងក្រុមរបស់លោក Pep Guardiola សាជាថ្មីគឺជាលើកទី៣ហើយ ដែលបុរសទាំង២រូបនេះ បានដឹកនាំក្រុមប្រកួតគ្នា។
គួរឲ្យដឹងដែរថា Arteta ធ្លាប់បានចំណាយពេលវេលា៣ឆ្នាំមកហើយ ក្នុងនាមជាគ្រូបង្វឹកជំនួយការរបស់លោក Pep នៅ Man City មុនពេលសម្រេចចិត្តចាកចេញកាលពីខែធ្នូកន្លងទៅ ហើយចាប់តាំងពីពេលនោះ គាត់បានដឹកនាំក្រុមទាំងពីរ ជួបគ្នា២ដងរួចមកហើយដែរ៕
ប្រែសម្រួល៖ Lee
