ភ្នំពេញ៖ លោក តាន់ សុផាន់ណារ៉ា អគ្គនាយកនៃអគ្គនាយកដ្ឋាន សុខភាពនិងផលិតកម្មសត្វ នៃក្រសួងកសិកម្ម បានចេញមុខច្រានចោលចំពោះការលើកឡើងថា មានការបើកឲ្យនាំចូលជ្រូកពីវៀតណាម ក្នុងអំឡូងនៃការរីករាលដាល ជំងឺកូវីដ១៩។
មន្រ្តីជំនាញក្រសួងកសិកម្ម បានលើកឡើងបែបនេះបន្ទាប់ពីមានការលើកឡើងថា មានករណីនាំចូលសត្វជ្រូករស់ ពីប្រទេសវៀតណាម តាមច្រកព្រំដែន ចូលមកកម្ពុជាកាលពីពេលថ្មីៗនេះ។
ក្នុងសន្និសីទសារព័ត៌មាន ស្ដីពី “ការរឹតបន្តឹងការនាំចូលសត្វជ្រូករស់ ចូលមកកម្ពុជា”នៅថ្ងៃទី២១ ខែឧសភា ឆ្នាំ២០២០ លោកតាន់ សុផាន់ណារ៉ា បានថ្លែងបញ្ជាក់ថា “នៅពេលបច្ចុប្បន្នមិនមានការនាំចូលពី ប្រទេសវៀតណាមទេ”៕
