ភ្នំពេញ៖ សម្ដេចពិជ័យសេនា ទៀបាញ់ ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ បានលើកឡើងថា ក្នុងមានគ្រាសន្តិភាព មានជនមួយក្តាប់តូច បានតាំងខ្លួនជាអ្នកស្នេហាជាតិ តែពេលជាតិ មានអាសន្នបែរជាគ្មានវត្តមានពួកគេទៅវិញ។
សម្ដេចពិជ័យសេនា បានសរសេរនៅលើបណ្ដាញសង្គមហ្វេសប៊ុកនៅថ្ងៃទី៣ ខែឧសភា ឆ្នាំ២០២០នេះថា ក្នុងគ្រាសន្តិភាព មានជនមួយក្តាប់តូច បានតាំងខ្លួនជាអ្នកស្នេហាជាតិ ចង់មកសង្គ្រោះប្រទេស។ តែពេលជាតិមានអាសន្នដោយការគំរាមកំហែងពីមេរោគCOVID-19 ដូចជាមិនឃើញវត្តមាន របស់ក្រុមមួយក្តាប់តូច នោះឡើយ។
សម្ដេចសង្កត់ធ្ងន់ថា «ពួកគេ តែងតែរត់ចោលជាតិនិងប្រជាជនក្នុងគ្រាលំបាកវេទនា ទៅសម្ងំយកសុខតែរៀងខ្លួន ដូចពាក្យចាស់ពោលថា “ឆ្កែកន្ទុយខ្វៀន នៅតែខ្វៀន”៕»
