ភ្នំពេញ៖ តាមការប៉ាន់ស្មានទុកមុន នារាត្រីថ្ងៃទី១៧ មីនានេះ សារធាតុDetection Reagent ប្រឆាំងជំងឺ COVID-19 សម្រាប់មនុស្ស ២០០០នាក់ ដែលជាជំនួយរបស់ភាគីចិន ផ្ដល់ជូនចំពោះភាគីកម្ពុជា នឹងមកដល់រាជធានីភ្នំពេញ តាមជើងហោះហើរ ហើយជំនួយសារធាតុទាំងនេះ នឹងត្រូវបានទទួលដោយក្រសួងសុខាភិបាល នៃប្រទេសកម្ពុជា។
យោងតាមបណ្ដាញសង្គមហ្វេសប៊ុក ស្ថានទូតចិនប្រចាំកម្ពុជា បានឲ្យដឹងថា ប្រទេសចិននឹងបន្តផ្តល់ជំនួយ ជាសម្លៀកបំពាក់ការពារ ម៉ាសវេជ្ជសាស្រ្ត និងសម្ភារៈផ្សេងទៀតជាបន្តបន្ទាប់ និងព្រមទាំងខិតខំផ្តល់ជាកម្លាំង ជំរុញគាំទ្រក្នុងកិច្ចទប់ស្កាត់នឹងជម្ងឺវីរុស ជូនចំពោះភាគីកម្ពុជា ។
សូមរំលឹកថា គិតត្រឹមថ្ងៃទី១៧ មីនានេះ ក្រសួងសុខាភិបាល បានរកឃើញអ្នកឆ្លងជំងឺកូវីដ១៩ ១២ករណីបន្ថែមទៀត ដែលធ្វេីឲ្យកម្ពុជាមានអ្នកឆ្លងជំងឺនេះ កើនដល់ ២៤នាក់ ៕
