តុលាការចោទប្រកាន់ជនសង្ស័យ១៧នាក់ពាក់គ្រឿងញៀននៅលុច្សសារី

ភ្នំពេញ៖ លោក លី សុផាណា អ្នកនាំពាក្យអយ្យការ អមសាលាដំបូង រាជធានីភ្នំពេញ ថ្លែងតាមបណ្ដាញសង្គម Telegramនៅថ្ងៃទី១៣មិថុនានេះថា”
ក្រោយពីបានទទួលនិងពិនិត្យសំណុំរឿងព្រមទាំងសាកសួរចម្លើយលើជនសង្ស័យចំនួន ១៧ នាក់ ចប់សព្វគ្រប់ តំណាងអយ្យការបានសម្រេចបើកការស៊ើបសួរដោយចោទប្រកាន់ពីបទ ជួញដូរសារធាតុញៀនដោយខុសច្បាប់ សម្រួលនិងចាត់ចែងអោយប្រើប្រាស់សារធាតុញៀនដោយខុសច្បាប់ រក្សាទុកសាំរធាតុញៀនដោយខុសច្បាប់ និងបទ សមគំនិត តាមមាត្រា៤០ មាត្រា៤២ និងមាត្រា៤៤ នៃច្បាប់ស្តីពីការគ្រប់គ្រងគ្រឿងញៀន និងមាត្រា២៩ នៃក្រមព្រហ្មទណ្ឌ ហើយបញ្ជូនជនល្មើសនិងសំណុំរឿងទៅចៅក្រមស៊ើបសួរដើម្បីចាត់ការបន្តតាមនីតិវិធី “។